¿Es posible concelebrar colocándose simplemente la estola sobre el hábito coral?

Utrum in Institutis apud quae mos est habitum choralem sumere, presbyteri sola stola induti, absque scilicet alba, Missam concelebraret possint?

R. NEGATIVE

Etenim plene vigere pergunt normae contentae in Institutione Generali Missalis Romani (2000), quae ad habitum celebrationis spectant; scilicet, pro sacerdote celebrante sacrae vestes sunt: alba, stola et casula seu planeta, pro ceteris concelebrantibus saltem alba et stola (cf. n. 81). Vestis ideo alba semper est induenda sive a sacerdotibus religiosis qui habitum choralem etiamsi albi coloris habent sive illis qui eodem carent, iuxta n. 336 supradictae Instructionis (2000): "Vestis sacra omnibus ministris ordinatis et institutis cuiusvis gradus communis est alba, circa lumbos cingulo astringenda, nisi tali modo confecta sit, ut corpori adhaereat etiam sine cingulo. Antequam vero alba assumatur, si haec habitum communem circa collum non cooperit, amictus adhibeatur".

Quae normae vigilantiae competentis auctoritatis ecclesiasticae subsunt, speciali tamen modo Episcopi, religiosi enim "subsunt potestati Episcoporum, quos devoto obsequio ac reverentia prosequi tenentur, in iis quae curam animarum, exercitium publicum cultus divini et alia apostolatus opera respiciunt" (can. 678-1).


Congregatio de Cultu Divino et Disciplina Sacramentorum

(RDP1: 36-2000; 320)